10. Puäsuikeššen. Valá tälvipäihi aassámen. Čagge keššam vuäroh lijjii oho kukkosiih, mun viljá Matti, Uulá já kii kuäs lai renkán "Jounii Juhán Piättár" Juhan Petter Musta (8.8.1900-22.12.1958, "Stuorra Piáttár" Pekka Aikio  teiká "Mattii Hentá" Heikki Valle1.12.1898-24.11.1958 Lijji meiddee Oskar Siltasen (7.9.1901-13.8.1949) poccuuh kiäjust Sun lai naajjám puäsuinieitá (Anna Mari Paadar 18.9.1897-) sunnust lijjii kiäjust om.-37          12 eergi 42 äältu 28 vyössit. Šohšuu miij poojjijn äältuit, já om. viljá Matti teiká kii kuäs siirtij.                          Sirtem kuälus lii taggaar et čáneh lääbši äältu šäpätten nuut uänihäit ete uäivi lii čuärbipele puotá já kolkái vuäruttovij šoonnád. Meältäluvij lijjii täválaut love äldut mut jes puohá häältoh lijjii härjánam kuällusest leđe te puoutij eenáp-uv kuälusteđ. Vyöseh motomen še ŋjommii, sarváh lijjii nuut härjänam ete toh eä vajedám. Vuästäit raahtijn meecist, lävu siirtijn jyöhe peivi et iij läävu pääsi kuhäs. Uulá iij lámaš nuut viššađ lävu varriitál já motomen Juhán Piättar lai šaggeest te čäjädij seuŋáden te huikkä meesist, maemustää ko poođij te kooroot "Hälvet ko läävu lii melkätáut siämm kukken ko Vääččir, ijuks pyöti lävu sirteđ jyöhe peivi"                   Motomen Piäkä Juhánasi eelij já koijjad muste "Ijuks puäsuikeššest pyöreeb uäđđimtyölji láh ko čiermihää työlji, m-mun addelam jieššán työlji tuŋin" já nuut myäi lonottäin tuoljijd. Puäsui lii šieu čuvŋámtijme, kiälluältu ko kuuđá äigi pajjaan šuošit te vuosmuššen puštelet jiejjas já talle kiällu čäpättest heelid, ouce-love äigi toh oppet livoh. Máŋŋeedeehid poccuh kale puuradeh teika kuätoh jes lii muotá.Päikkieergeh lijjii lojeh, läävejii eelliđ šiljoost moonniiken ŋälkä tuäivust.