8. Tuähtárest eellimeh. Lijjim nubaloh ihásaš ko muste lai oluu kumestás, potti metsičyögeeh iijján já ohtá almai koijat eenist "Miiks tuon nietást lii ko tuše vannáá já lii kuokšad? laus lektesah" Eä tääpin meetsist lah magarehken lektesah" lai enni västitam. Almai kuäivudij reppulummoid já uusai tabletijd jä eätä "Tääl niedá pajanah ište já enni puähtä čääci já juuvah tablet, itten välá puurah tablet"  Iho tubdim maht voojjim pyörebeht, oođđim pyörebeht. Nube peivi almai kiäššä et "lah uänil tiervasub, kale tun vala puäränah" Nuut mun puäránim mii leš lamaš?.                       Mun lijjim rävisolmmooš ko kulmalovelovvoost päneh alggii poučasteđ nuut et ii uäđimestken puättam mihheen. Talle mu n pettim ko lai šieu kiđđátäälvi jođätuh et mun čuoikálam Avelán tuhtárkuul et kiško poučástijjee paanijd meddal. Idetestiijá čuokalim, joto lai savehest pyöri, ŋuolkist Njellim čuoikim, peivyy lijjim Avelest tuähtárkulen, tuähtáren lai Meeri Virkkunen já sun eätä "Mun kale kiškoččim mut ijláh jämettemaamás ij lah" Toos munkes ettim "Kiškoveika ij lahken aamás, must čirkoh nuut päneh ete horke šootam jollan" Nuut tuähtar aalkij kiškođ, kal tot poušakij hirmátáut. masá jämälkám. Kulmá päne ko kiškoi te eätä Virkkunen "Vielä yksi hammas, et tänään syö etkä juo mitään"           Cuokaim tallan maassád vorrašulkaid ain šulkadim luoddapiälän, maŋŋeedeehid lijjim tälvipäihist ijke inneg päneh poučistam te koijeteh "Kosks tun láh lámašonnää peivi?" jä ko kuleh kost lam eällám te täätu oskođ et liius tot tuotáken, mutá tuotá tot lai ko mun čaittim ŋäälmist kiškum pänisoojijd.